आपल्या भारत देशाला अत्यंत समृद्ध संत परंपरा आणि सामाजिक, आध्यात्मिक अधिष्ठान लाभलेले आहे. अनेक संतांनी व महापुरुषांनी आपल्या जीवन कार्यामध्ये जनसेवा हीच ईश्वर सेवा आहे असे सिद्ध करून दाखवले आहे. म्हणूनच तर असे म्हटले जाते की,

जगाच्या कल्याणा संतांच्या विभूती। देह कष्टविती परोपकारे ।।

संत गाडगे बाबा, राष्ट्रसंत तुकडोजी महाराज आपल्याला हीच शिकवण देतात की चंदन ज्याप्रमाणे स्वतःचा देह झिजवून इतरांना सुगंध देते अगदी त्याचप्रमाणे जनसेवेचे व्रत घेणाऱ्याने स्वतःचा देह झिजवून मानव सेवेचे व्रत अविरत सुरू ठेवले पाहीजे.

याच मानव सेवेच्या स्वर्णिम पथावर सन् २०१६ पासून जीवन आधार बहुउद्देशीय सामाजिक संस्थेच्या अंतर्गत संस्थापक अध्यक्ष सेवाभावी मा. श्री. जीवन उर्फ धनंजय सुरेखा रमेशपंत जवंजाळ यांची अविरत वाटचाल सुरू आहे. गोरगरीब, बेघर असलेल्या परिवारांना मदत करणे, निराधाराला आधार देणे, गरजुंना अन्नधान्याचे वाटप करणे, अपंगांना सहारा देणे, अपघातग्रस्तांचा जीव वाचविणे रुग्णांना मेडीकल सेवा उपलब्ध करुन देणे, रुग्णवाहिका उपलब्ध करुन देणे, वेळोवेळी आरोग्य शिबिर, नेत्र तपासणी शीबिर, दंत तपासणी शिबिर, रक्तदान शिबिरांचे आयोजन करणे इ.

अश्या विविध सेवा उपक्रमाद्वारे जीवन आधार बहुउद्देशीय सामाजिक संस्था निस्वार्थ भावनेने मानव सेवेचे हे सेवापुष्प प्रत्येक दिवशी ईश्वरचरणी अर्पित करीत असते.